Mba hanonerana ny fiantraikan'ny COVID-19 amin'ny tsenan'ny asa, dia nandray fepetra i Shina mba hiantohana ny asa sy ny famerenana ny asa.

Tamin'ny telovolana voalohany tamin'ny taona 2020, nanampy orinasa lehibe 10,000 sy eo an-toerana ny governemanta handray olona efa ho 500,000 mba hiantohana ny famokarana kojakoja ara-pitsaboana sy kojakoja ilaina andavanandro.

Nandritra izany fotoana izany, nanolotra fitaterana tsy an-kiato “point-to-point” ho an'ny mpiasa mpifindra monina efa ho 5.9 tapitrisa ny firenena mba hanampiana azy ireo hiverina hiasa.Ny fandaharan'asa fiantohana amin'ny tsy fananana asa dia nahafahan'ny orinasa maherin'ny 3 tapitrisa hankafy famerenam-bola mitentina 38,8 lavitrisa yuan (5,48 lavitrisa dolara amerikana), izay nahasoa mpiasa efa ho 81 tapitrisa ao amin'ny firenena.

Mba hanamaivanana ny fanerena ara-bola amin'ny orinasa dia 232,9 lavitrisa yuan amin'ny fiantohana ara-tsosialy no nesorina ary 28,6 lavitrisa yuan nahemotra nanomboka tamin'ny Febroary ka hatramin'ny Martsa.Nisy ihany koa ny tsenam-barotra an-tserasera manokana nokarakarain'ny governemanta mba hamelomana indray ny tsenan'ny asa tratran'ny valan'aretina.

Ankoatra izany, mba hampiroboroboana ny fampiasana mpiasa avy amin'ny faritra mahantra, dia nomen'ny fanjakana laharam-pahamehana ny famerenana ny asa amin'ireo orinasa, atrikasa ary ozinina mitarika ny fanafoanana ny fahantrana.

Tamin'ny 10 aprily, mpiasa mpifindra monina mahantra maherin'ny 23 tapitrisa no niverina tany amin'ny toeram-piasany, ka ny 86 isan-jaton'ny mpiasa mpifindra monina rehetra tamin'ny taon-dasa.

Nanomboka tamin'ny Janoary ka hatramin'ny martsa dia 2,29 tapitrisa ny fitambaran'ny asa an-tanàn-dehibe noforonina, araka ny angon-drakitra avy amin'ny Birao Nasionaly momba ny antontan'isa.Ny tahan'ny tsy fananan'asa nohadihadiana any amin'ny faritra an-tanàn-dehibe dia nahatratra 5.9 isan-jato tamin'ny volana martsa, 0.3 isan-jato ambany noho ny volana teo aloha.